Ди Марија: Меси е најдоброто нешто што ми се случи во кариерата

Анхел Ди Марија како специјален гостин во радио програмата на Марсело Бенедето говорел за сите големи успеси кои ги оствари како аргентински репрезентативец, етапа која реши да ја заокружи и да ја остави зад себе со освоената титула на Копа Америка.

Легендарното крило се прости од националниот дрес и остави спомени кои вечно ќе остана во сеќавање на „гаучосите“, а иако тој беше круцијален на сите големи финалиња кои ги одигра Аргентина, за него има само еден недопирлив играч во фудбалот.

– Меси е најголемото нешто што може да го видите во фудбалот. Не може да стигнете повисоко од нивото кое го достигна Меси, тој е најдобриот во историјата. Тој е убедливо на врвот, а останатите се многу скалила подоле од него. Тоа што имав можност да тренирам со него, тоа што гледав како се подготвува и како се однесува, тоа се работи кои нема да ги заборавам.

– Имам кажано многу работи за Лео, Меси е најдоброто нешто што ми се случи во кариерата. За мене тоа е играњето со Меси, за други Аргентинци тоа е играњето со Диего Марадона.

– Диего јас го доживував на поинаков начин, тој за мене беше како Бог. Јас го сметав него за втор татко. Ми беше поддршка во најтешките моменти, секогаш веруваше во мене и секогаш беше блиску да ми даде совет. Ме сакаше како да сум негов син, тоа го зборувавме и со неговите ќерки кога последно се видовме, – вели Ди Марија.