Ди Марија: Има двајца најдобри во историјата на фудбалот, но никој не може да се споредува со еден

Анхел Ди МАрија е еден од ретките фудбалери кои имаа можност во текот на кариерата да играат со двајцата играчи кои ги одбележаа последните две децении, но поради фактот што освои и многу титули со Лео Меси и Кристијано Роналдо, неговите изјави за тоа кој е подобар привлекуваат посебно внимание.

Ди Марија на клупски план ја делеше соблекувалната со Роналдо и му беше извонреден колега во Реал Мадрид, но од друга страна, од самиот старт на кариерата му беше сојузник на Меси во аргентинската репрезентација, во која на крајот го имаше и за свој капитен.

Легендарното крило се повлече од репрезентацијата пред извесно време и стави крај на едно незаборавно патување, а сега со својата последна изјава за двете најголеми фудбалски ѕвезди на денешницата, Анхел воедно ги израдува сите фанови во родната земја.

– За мене, Меси и Роналдо се двајцата најдобри играчи во историјата, но очигледно е дека никој не може да се споредува со Лео. Ниту еден играч не може да го надмине Меси, – вели Ди Марија.

Пред неколку дена, слична изјава даде и Жерар Пике, нагласувајќи дека Роналдо е најдобар меѓу обичните луѓе, но не е подобар од „вонземјанинот“ Меси.