Ди Марија ги избрал најважните тројца, но и најлошиот тренер со кој соработувал во кариерата

Анхел Ди Марија освои многу трофеи и настапуваше за големи европски клубови, а откако собра искуство во повеќе великани и најквалитетните европски лиги има право да направи одредени споредби кои се дел од сопственото професионално искуство.

Аргентинецот во последното интервју за аргентинската верзија на „ЕСПН“ ги издвоил тројцата најдобри тренери со кои работел во кариерата, но не заборавил да го издвои и најлошиот.

– Најлошиот дефинитивно е Луи ван Гал. Ако некогаш сте се сомневале, еве да ги расчистиме дилемите, – рекол Ди Марија.

36-годишниот крилен напаѓач во триото најдобри ги издвоил актуелниот аргентински селектор Лионел Скалони, како и поранешните предводници на „гаучосите“, Алехандро Сабелја и Диего Армандо Марадона.

– Никогаш не го сметав Марадона само како селектор, тој пред се беше пријател. Се однесуваше со мене како родител, сметаше на мене кога никој не би го направил тоа и секогаш кога добивав критики, тој ми даваше уште поголема шанса. Сум го кажал тоа и порано, Меси е најдобар на сите времиња, но Диего е Диего, за мене, за Аргентина и за целиот свет, – рекол емотивниот Ди Марија.