Детето-маскота на Тотенхем имаше урнебесна порака за Ван Дајк, видеото ги изнасмеа фановите

Вирџил Ван Дајк имаше забелешка за судиите по поразот кој го претрпе Ливерпул во Северен Лондон, но капитенот на гостите беше дел и од еден урнебесен момент кој стана вистински хит во Англија.

Пресметката во полуфиналето во Карабао Купот им припадна на „петлите“ кои со предност од 1:0 ќе патуваат на реваншот на „Енфилд Роуд“, а голема вест за тимот на Анге Постекоглу беше тоа што не прими гол.

Тотенхем се навикна да прима голови и 14 пати ја вадеше топката од својата мрежа на последните пет натпревари, па очигледно тоа му беше добра инспирација на младото момче да испрати урнебесна порака до Ван Дајк.

Детенцето маскота му се обрати на капитенот на Ливерпул и не го криеше воодушевувањето што минува блиску до него, но пораката која ја имаше смислено направи да стане хит на Островот.

– Ван Дајк, дојди во Тотенхем…… Немаме ниту еден добар дефанзивец во моментов….., – порача малото детенце.

🗣️ "Van Dijk come to Tottenham we haven't got any good defenders at the moment!"

Spurs mascots being very honest to the Liverpool players! 🤣 pic.twitter.com/Y6tTsy8gLn

— Sky Sports Football (@SkyFootball) January 8, 2025