Дешифрирани зборовите кои му ги испорачал бесниот Белингам на играчот кој го провоцираше Винисиус (Видео)

Пабло Мафео и Винисиус Жуниор имаат добро позната фудбалска историја кога се во прашање нивните дуели во Ла Лига, но сега истата се пренесе и далеку од границите на Шпанија, бидејќи Суперкупот се игра во Џеда.

Полуфиналето меѓу Реал Мадрид и Мајорка не донесе изненадување кога е конечниот епилог во прашање, меѓутоа победата од 3:0 на фаворитот беше одбележана и со голема мешаница и жестоки зборови меѓу повеќе актери од двата тима.

Мафео и Винисиус повторно се погрижија за вжештување на атмосферата, но еден од најнервозните дефинитивно беше и Џуд Белингам.

Англичанецот му удри „заушка“ на Мафео во моментите кога Реал го постигна третиот гол, а во продолжение имал и жолчна порака за десниот бек кој често знае да провоцира.

Мафео се пошегува пред полуфиналето во Саудиска Арабија и порача дека би го нокаутирал Винисиус за 10 секунди доколку се пресметаат во боксерски ринг, изјава која очигледно доста сериозно ја сфатија дел од играчите на Реал.

– Десет секунди а? Десет секунди бокс? Ти си проклет слабак идиоту……., – му порачал Белингам на Мафео.

Jude Bellingham to Pablo Maffeo: “10 seconds, eh? 10 seconds boxing no? You fucking soft prick”

😭😭 pic.twitter.com/M17Hdx8vA1

— Kay | Snapchat & IG Ads (@KayRMFC) January 11, 2025