Дешамп во одбрана на Мбапе: Тој не е робот или супермен…

Килијан Мбапе отвори ново поглавје во кариерата и тоа во шпанскиот великан Реал Мадрид каде се има големи очекувања за него.

Тој засега не блеска како што посакуваат навивачите, ама има придонес, па така погоди во Супер Купот на УЕФА против Аталанта, додека пак во неделата ги даде првите два гола во Примера во соочување со Бетис.

Секако критичари и критики секогаш ќе има, но францускиот селектор Дидие Дешамп воопшто не е загрижен за неговиот најдобар играч.

-Немам причина да чувствувам олеснување, очигледно сум среќен поради него, дури и ако веќе постигна гол на првиот натпревар од Супер Купот на Европа. Килијан е навикнат на ова во секојдневниот живот, си поставува многу високи стандарди. Неговиот тренер Карло Анчелоти не беше загрижен ниту јас. Килијан секогаш постигнувал голови и ќе ги постигнува, -вели Дешамп.

Мбапе не беше во свој ритам ниту на ЕП каде даде само еден гол и тоа од пенал, меѓутоа Дешамп не гледа простор за аларм.

-Француската репрезентација е подобра кога е Килијан. Од искуство, да се биде во француската репрезентација е пауза која е добра за многумина од нив. Тој не беше ефикасен – на почетокот – но разговарав со него и тој се чувствува добро. Очигледно сè уште не е најдобро ниво, но не е робот или супермен. Очекувањата се големи. Тој има голем капацитет да апсорбира се што се случува на и надвор од теренот. Но, можеме да разбереме дека човечкиот замор може да биде значаен, -порача предводникот на „триколорите“.

Франција има дуели со Италија и Белгија во рамките на Лигата на нации.