Дешамп ја пронајде најпотценетата ѕвезда во Шпанија: Недостасува признание за се што прави на теренот

Дидие Дешамп стана традиционален дел од француската репрезентација и во изминатите 11 години постојано има за задача да ги бира најдобрите француски фудбалери, а ако треба да се избере еден играч кој го одбележа неговиот мандат, тоа дефинитивно е Антоан Гризман.

Ѕвездата на Атлетико Мадрид е член на националниот тим од 2014-та година и оттогаш забележа многу успеси со Дешамп, кој сега вели дека Антоан е и фудбалерот кој добива најмалку признание од јавноста за се што прави на теренот.

Гризман игра неверојатно добро на стартот на новата сезона и веќе запиша 12 голови зад своето име, па покрај честите пофалби од Чоло, сега се јави и националниот селектор.

– Кога француските фудбалери играат во странство, односот кон нив секогаш е поинаков. Сите се концентрираат на домашните случувања и Лига 1. Но, Гризман веќе долго време ги прави работите навистина добро. Не велам дека е потценет, но недостасува признание за се она што го прави на теренот.

– Мислам дека заслужи да ја освои „Златната топка“ во 2018-та година, пред се поради изданието кое го имаше на мундијалот. Не велам дека Модриќ не го заслужи тоа, но Гризман имаше неверојатни сезони и никогаш не доби вистинско признание. Но, тој е таков, спие мирно навечер и покрај сите овие работи, – изјави Дешамп.