Десеткуваниот Реал направи „чудо“ и ја сруши ЦСКА во Мадрид (ВИДЕО)

Екипата на Реал Мадрид поради повреди и ковид позитивни не можеше да смета на многу свои играчи како и тренерот Пабло Ласо, но и покрај големиот хендикеп шпанскиот прволигаш успеа да ја изненади ЦСКА Москва во Евролигата.

Иако „кралевите“ настапија со само девет играчи од кои неколку тинејџери, покажаа знаење, карактер, упорност и пред се одлична игра во одбраната која донесе славје над рускиот претставник од 71-65.

Гос со 17 поени беше прв стрелец, Таварес запиша дабл-дабл од 15 поени и 10 скокови, додека Љуљ и младиот Словенец Клавзар додадоа по 10 кошеви.

Кај поразените најсветла топка беа Клајбурн (16 поени и 13 скокови) и Милутинов (13 поени и 10 скокови) со дабл-дабл учиноци. Со овој триумф Реал го продолжи нападот кон лидерското место на Барселона, тим кој има една победа повеќе по 17. кола.

Останати резултати:

Зенит-Макаби ТА 73-71

Баерн-Басконија 76-81

Панатинаикос-Олимпијакос 65-84

Асвел-Фенербахче 84-82