Дерби победата со горчлив вкус: Флик доби доста лоши вести за Олмо (Фото)

Дани Олмо вчера постигна фантастичен гол против Џирона и имаше значаен удел во високата победа од 1:4 во градското дерби, но иако по натпреварот не се крена голема врева за повредата која ја заработи, денеска излезе информација дека истата е полоша од првичните прогнози.

Шпанскиот репрезентативец побара измена поради болки во задната ложа и без големи проблеми сам го напушти теренот, па и покрај тоа што се мислеше дека станува збор за помало оптеретување, медицинските прегледи за жал покажале дека се работи за повреда која бара мирување.

Во медицинското соопштение на Барселона се вели дека се работи за истегнување од втор степен на мускулот на десната нога, поради што Олмо во најмала рака ќе паузира од четири до пет седмици.

Ова секако е неочекувано лоша вест за Ханси Флик, кој првично планираше дека го губи Дани на седум до десет дена, а не најмалку еден месец.

По пристигнувањето во Барселона, Олмо брзо покажа дека ќе биде огромно засилување за каталонскиот гигант, но сега после трите гола на првите три меча, ќе мора да паузира до средината на месец октомври.

Tests conducted this morning on Dani Olmo have revealed that he has injured his right hamstring. He is expected to be unavailable for about 4 to 5 weeks. pic.twitter.com/8XB1Qa4RE3

— FC Barcelona (@FCBarcelona) September 16, 2024