Денвер ги откажа Лејкерс во вториот дел, Милвоки му ја расипа рекордната ноќ на Бол

Денвер излезе како победник на гостувањето кај Лејкерс во најинтересното соочување утринава во НБА лигата, а до позитивен резултат стигна со одличниот настап во второто полувреме во Ел-Еј.

Гостите имаа мала негатива на подолгата пауза, но издоминираа во продолжението со 70 постигнати поени и стигнаа до убедлива победа, во која Никола Јокиќ уфрли 34 поени, додека Мајкл Портер го заврши дуелот со 26 поени. Ривс со 19 и Џејмс со 18 поени беа најдобри реализатори во редовите на домашниот и поразен тим.

ЛаМело Бол постигна индивидуален рекорд со 50 постигнати поени, но и тоа не му беше доволно на Шарлот да избегне пораз на гостувањето кај Милвоки.

Адетокумбо со 32 и Лилард со 31 поен повторно биле најдобри поединци во редовите на Бакс, кои сега имаат ефект 8:9 во лигата.

Орландо – Детроит 111:100
Чикаго – Мемфис 131:142
Хјустон – Портланд 98:104
Милвоки – Шарлот 125:119
Сан Антонио – Голден Стејт 104:94
Л.А Лејкерс – Денвер 102:127