Денковски се посрамоти, Ренова го освои Штип

Фудбалерите на Ренова славеа над Брегалница со 2-1 во првата средба од пролетниот дел од Првата македонска лига.

Ова за клубот од Тетово е огромен триумф затоа што со истиот го минаа денешниот противник на табелата и сега се на четвртата позиција. Средбата во Штип ја одбележа катастрофалната грешка на младинскиот репрезентативец голманот Денковски кој прими комичен погодок во 16 минута, гол кој донесе водство на популарните „гипсари“.

Овој гол им даде дополнителни крилја на гостите кои во 52 минута преку Серафмовски зголемија и на 2-0 со што дојдоа на чекор до три бода. Избраниците на Илчо Ѓорѓиоски се вратија во игра во 59 минута благодарение на Дамњановиќ, па до самиот крај беше неизвесно, имаше шанси од кои последната ја пропушти Алтипармаковски за да донесе бод за Брегалница.

Останаите средби од 19. коло се играат утре од 14 часот.