Дени Роуз најави дека Покетино би можел да води еден англиски гигант: Би рекол дека може…

Играчот на Тотенхем кој во моментов настапува како позајмен фудбалер во Њукасл, Дени Роуз зборуваше за својот поранешен стратег, Маурисио Покетино.

Аргентинецот е без работа од ноември кога беше отпуштен од Тотенхем и заменет со Жозе Мурињо, но за него постои голем интерес од неколку европски гиганти.

Веднаш откако доби откас за него се шпекулираше дека би можел да седне на клупата на Манчестер Јунајтед, а потоа се поврзуваше и со тренерското столче во Реал Мадрид.

Сепак, како што сега стојат работите, Оле Гунар Солскјер и Зинедин Зидан се сигурни, па Покетино ќе треба да почека за да седне на нивните клупи.

И покрај тоа, Дени Роуз смета дека аргентинскиот стратег би можел да го води Манчестер Јунајтед во блиска иднина.

– Без сомнеж ќе заврши во голем клуб. Го знам Покетино, го сака Бјелса и ја има добиено работната етика од него.

– Би рекол дека евентуално може да работи како тренер на Манчестер Јунајтед, -кратко заклучи Роуз.

За Маурисио Покетино се интересираше и Баерн Минхе, но и тој клуб си го реши прашањето поврзано со тренерот откако му понуди повеќегодишен договор на Ханси Флик.

Сега, медиумите во Англија шпекулираат дека Покетино би можел да биде тренер на новиот проект кој се планира на Островот, Њукасл.