Дембеле со изненадувачка изјава: Имам план кога ќе се пензионирам и што ќе правам во иднина

Усман Дембеле се врати во Франција и изгледа навистина среќно и задоволно во редовите на ПСЖ, но 27-годишното крило сега го привлече вниманието со изјавата која ја даде за својата фудбалска кариера.

Фудбалерот кој имаше многу проблеми со повреди тврди дека не се гледа себеси како голем број актуелни ѕвезди кои играат и до 40 години, алудирајќи дека за него далеку подобар е примерот на Тони Крос.

Дембеле најавува дека ќе се повлече од професионалното играње фудбал на 34 години, а има план за тоа што ќе прави и по крајот на кариерата.

– Имам план кога ќе се пензионирам и што ќе правам во иднина…..

– Сакам да се пензионирам на 34 години, а потоа да влезам во бизнисот за недвижнини. Сакам да инвестирам во Африка, во Франција и во други земји, – открива Дембеле при гостувањето во „The Bridge“ емисијата која се пренесува на „јутјуб“.