Дембеле повторно во главна улога, ПСЖ без проблеми против Брест (ВИДЕО)

Пари Сен Жермен е на добар пат да обезбеди осминафинале во Лигата на шампионите откако вечерва лесно се справи со Брест во првото соочување од плејоф фазата во елитното натпреварување.

„Светците“ го искористија своето знаење, квалитет и со убедливи 3-0 го решија ривалот од Лига 1. Домаќините имаа свои шанси, ја погодуваа и рамката од голот на Донарума, меѓутоа не постигнаа ниту еден гол и сега ќе им треба вистинско чудо во реваншот во Париз за место во наредната фаза.

Во главна улога беше неверојатниот Дембеле кој игра во страшна форма, поточно беше „виновниок“ за сите три погодоци на гостите.

Првиот беше дело на Витиња од пенал, пенал кој дојде по ударот на Дембеле и играта со рака на еден од домашните фудбалери. Усман стрелаше уште еднаш до крајот на првиот дел, а во 66 реализираше уште еднаш за плус три на најдобриот француски клуб.