Дембеле погоди во „последен час“, ПСЖ го освои Супер Купот на Франција (ВИДЕО)

Екипата на Пари Сен Жермен успеа да го освои трофејот во Супер Купот на Франција и тоа откако во Доха го совлада Монако со 1-0.

„Светците“ беа подобар, поконретен ривал, меѓутоа не успеваа да го матираат противникот се до судиското продолжение или поточно 92 минута кога по уфрлената топка на Фабијан Руиз на вистинското место се најде Усман Дембеле и ја спроведе во мрежата на противникот.

Со ова ПСЖ ја одбрани титулата во ова натпреварување, но и најави продолжување на доминацијата во францускиот фудбал ако се земе предвид дека и во шампионатот е далеку пред најблиските конкуренти меѓу кои е Монако заедно со Олимпик Марсеј (разликата е десет бода)

A title-winning goal for PSG: Ousmane Dembélé ⚽️🏆 pic.twitter.com/9ivSyOKVnV

— Ligue 1 English (@Ligue1_ENG) January 5, 2025