Демба Ба откри дека се слушнал со романскиот судија кој расистички го навреди: Преку друг побара да се чуеме..

Поранешниот член на Њукасл и Челси, а сега фудбалер на Истанбул Башакшехир, Демба Ба се најде во центарот на вниманието кога пред една недела избувна голем скандал во кој четвртиот судија на средбата упати расистичка навреда кон играчот.

По ваквата навреда беше донесена одлука двата тима да се повлечат од теренот, па натпреварот продолжи другиот ден со нови судии.

Скандалот беше во центарот на вниманието тие неколку денови, а сега кога ситуацијата се смири со коментар излезе и Демба Ба.

Искусниот напаѓач откри дека романскиот судија, Себастијан Колтеску му се јавил за да му се извини и да му каже дека тој не е расист како што го осуди целиот фудбалски свет.

– Судијата, Себастијан Колтеску ми се јави и ми кажа дека тој не е расист. Се извини за тоа што се случи таа ноќ.

– Еден човек на кого не можам да му кажам не ми се јави и ми кажа дека судијата сака да зборува со мене, а јас се согласив и тогаш Колтеску ми се јави. Ми кажа дека му е жал за тоа што се случи и потенцираше дека тој не е расист, -изјави Демба Ба за „Хуриет“.