Дел Пјеро за младата ѕвезда на Јувентус: Многу сум среќен поради него…

Јувентус имаше позитивен почеток на сезоната во Лигата на шампионите каде го реши холандски ПСВ Ајндховен со 3-1.

„Старата дама“ покажа квалитет, знаење и лесно се справи со тимот кој игра во импресивна форма во домашниот шампионат. Еден од играчите што се издвои е младиот Кенан Јилдиз кој со атрактивен гол го отвори натпреварот во Торино и со тоа воедно се запиша во историјата на клубот како најмлад стрелец во ова натпреварување.

Тој го собори рекордот на легендарниот Алесандро Дел Пјеро кој имаше што да каже за турскиот репрезентативец.

-Еден млад човек штотуку го собори мојот рекорд. Навистина сум среќен за него. И јас сум среќен затоа што имаше добра игра, затоа што одлично ја започна сезоната и одлично се снајде и минатата година, а исто така и затоа што ја презеде одговорноста на своите рамена. Многу сум среќен за тебе Кенан, -порача Алекс.