Дел Пјеро ќе се кандидира за претседател на Италијанската фудбалска федерација

Фудбалската федерација на Италија наскоро може да добие нов претседател, а делегатите веројатно ќе бираат меѓу неколку имиња кои засега не се потврдени.

Сепак, медиумите на „чизмата“ излегоа со интересна информација дека за оваа позиција заинтересиран е и поранешниот капитен на Јувентус, Алесандро Дел Пјеро и тој наводно ќе се кандидира за местото.

Досегашните шпекулации наведуваат дека Дел Пјеро може да биде кандидат на клубовите и техничките тела кои имаат свои претставници во гласањето, а легендата на „бјанконерите“ би можел да го потврди учеството на изборите веќе наредната недела.

Изборите се закажани за 3. февруари, 2025 година, а нејасно е и дали актуелниот претседател Габриеле Гравина ќе се обиде да добие нов мандат.

Во гласањето учествуваат клубовите, 52 спортисти, 26 тренери и 9 претставници на судиите, а од 276 делегати потребно е да се добие барем еден глас повеќе од 50 проценти од гласачите.