Дел Пјеро издвои четири екипи во трката за Скудетото

Италијанската фудбалска икона, Алесандро Дел Пјеро издвои четири екипи кои според него ќе се борат за пехарот во Серија А.

Доста интересно и возбудливо е во првиот дел од актуелнава кампања во Калчото каде од првото до шестото место разликата е едноцифрена што доволно говори за изедначеноста и можноста да се дојде до Скудетото.

-Интер е на врвот, но тука се и Аталанта и Наполи кои имаат шанси, да видиме што ќе се случи. Таму е и Јувентус, -вели Алекс и додава:

-Немам фаворити. Тоа што има толкава конкурентност и рамнотежа е позитивно за спектаклот и за интересот за лигата. Во моментов нема многу лиги во Европа со оваа тешка борба, -порачува Дел Пјеро кој многу добро знае што е потребно и како се станува шампион на Италија.