Деко за планот на Барселона со Ансу Фати: Го следиме неговиот напредок…

Анси Фати во еден период важеше за еден од најдобрите млади играчи на светот, најголеми таленти од кои се очекува да блескаат во наредните 15-20 години.

Меѓутоа Фати имаше одредени проблеми со повредите и падна во втор план во Барселона, па во летниот преоден рок му беше дозволено да си замине и тоа неочекувано во премиерлигашот Брајтон.

Напаѓачот тука се обидува да се пронајде, наметне, влезе во посакуваната форма и со тоа да покаже, потврди дека се уште е играч кој може да одбележи една ера во светот на фудбалот. Каталонците внимателно го следат и спортскиот директор Деко порача дека офанзивецот се уште може да има иднина на „Камп Ноу“.

-Секако дека Ансу Фати може да се врати тука, тој е на позајмица во Брајтон. Тој е млад, сега е среќен. Мислам дека Брајтон беше добар избор да игра редовен фудбал, го следиме неговиот напредок. Се зависи од неговите настапи. Ама Ансу би можел да се врати во Барса, тоа е сигурно, -порача Деко за „RAC1“.

Фати има договор со шпанскиот великан до 2027 година.