Деко за играчот кој си замина од Барселона: Му понудивме договор и важен проект, но тој…

Деко нема идеални услови за работа во Барселона или поточно проблемите со финансиите на клубот не му дозволуваат да ги прави сите посакувани потези како спортски директор на клубот.

Меѓутоа ситуацијата е така како што е и ќе мора да се пронајдат соодветни решенија, но и да се соочат со некои моменти, потези кои се разочарување за клубот и навивачите.

Добар дел од фан базата на каталонците беше разочарана што ова лето клубот го загуби талентираниот напаѓач Марк Гију кој реши да се пресели во Челси. Марк беше на вратата на првата екипа, почна да добива шанса од Чави Ернандес, даде и гол за победа против Атлетик Билбао, ама „сините“ тропнаа на неговата врата, а тој ја прифати понудата и тоа откако беше активирана откупната клаузула од 6 милиони евра.

-Челси ја плати откупната клаузула и тој си замина. Тој имаше стар договор, со клаузула за заминување од 6 милиони евра. Му беше понуден важен договор и важен проект, но тој донесе одлука да тргне по друг пат.

-Фудбалерот се одлучи за понудата од Челси. Ние му понудивме проект да биде напаѓач на Барса, но тој не сакаше, -обелодени Деко.