Деко со директна порака ги реши сите дилеми околу иднината на Олмо

Дани Олмо пристигна во Барселона во текот на летниот преоден рок или поточно тој беше единственото засилување за каталонците за актуелнава сезона.

Тој дефинитивно донесе свежина, нова енергија, ама каталонците се уште до крај го немаатт решено процесот околу неговата регистрација или поточно Шпанецот во моментов игра благодарение на повредата која ја заработи Андреас Кристенсен.

Каталонците мора да пронајдат решение до крајот на месецов да го регистрира до крајот на кампањата, а притоа дел од медиумите излегоа со вест дека ако тоа не се случи Олмо како слободен играч ќе може да побара нова средина на почетокот на 2025 година.

Меѓутоа Дани според „Мундо Депортиво“ размислува само за Барселона, а спортскиот директор Деко кратко се огласи на оваа тема, но со јасна порака.

-Да, дефинитивно ќе можеме да го регистрираме, не се грижете. Ова се внатрешни работи, ќе ги средиме. Играчот е мирен, дојдов да разговарам за фудбал, -порачал Деко.

Барселона може да направи несекојдневен потег за да го регистрира Олмо до крајот на сезоната