Деко објаснил зошто Барселона не го купи Нико Вилијамс

Барселона и летово мораше да се снаоѓа со комплицираната финансиска ситуација, а спортскиот директор Деко да се адаптира на условите кои се менуваа со секој влезен и излезен трансфер.

На крајот, Дани Олмо е најважното освежување во составот на Ханси Флик, иако фановите посакуваа да пристигне и Нико Вилијамс, како уште еден шпански репрезентативец кој блескаше на последното европско првенство.

По завршениот преоден рок, Деко се обидел да објасни зошто Барселона се повлекла од потписот на Вилијамс.

– Имавме потреба од квалитетно крило, но проценивме дека веќе ги имаме Рафиња, Феран, Јамал, како и Ансу Фати кој се врати и беше одличен за време на подготовките.

– Тука се и Фермин Лопез и Дани Олмо, наша основна цел беше да добиеме фудбалер кој ќе биде на високо ниво и на крајот проценивме дека Олмо треба да ни биде приоритет. Тој ќе ни овозможи повеќе опции, имавме можности да доведеме и други крилни играчи, но на крајот се откажавме од такво нешто, – изјавил Деко.