Деко го дефинираше Ханси Флик: Посебно ме воодушевува една работа

Деко немаше многу финансиски ресурси на располагање и со ограничен буџет беше активен на трансфер пазарот, по што како единствена вистинска и вредна аквизиција се покажа Дани Олмо.

Каталонскиот гигант заврши еден скромен преоден рок поради сложената финансиска состојба, но стартот на сезоната го разбуди ентузијазмот кај фановите, бидејќи тимот на Ханси Флик отвори со четири од четири на почетокот во Ла Лига.

Барселона изгледа нависитна добро и моќно под водство на германскиот стручњак и посебно до израз доаѓа и одличната физичка подготовка, но спортскиот директор Деко сега нагласи дека посебно е воодушевен од новиот тренер поради едноставниот метод и начинот на кој лесно се справува со комплицирани ситуации.

– Најмногу ме импресионира неговиот лесен начин на работа. Има големо искуство, а тоа е многу важно во елитниот фудбал. Има тренирано големи екипи, знае перфектно што треба да се прави во голем клуб и тоа ни дава мир во Барселона. Неговата лесна работа носи смиреност на сите полиња во клубот и тоа е круцијално за работата од ден во ден. Тој не е гласен, работи со тоа што го има и многу ме импресионира како се справува со проблемите и важните работи.

– Секогаш е смирен, секогаш нуди одговор за некој проблем и на него гледам како на голем работник. Секогаш има јасни идеи, има огромни барања од играчите и секогаш знае што треба да побара од нив. Јас би го дефинирал како еден голем фудбалски работник, тоа е мојот заклучок од овие почетни месеци, – вели Деко.