Дејвис за трејдот по кој заврши во Далас: Сите зборуваат…

Ентони Дејвис шест години беше дел од Лос Анџелес Лејкерс, тим кој пред некое време одлучи да се откаже од него или поточно да го вклучи во големиот трејд во кој беше испратен во Далас Маверикс, додека во Калифорнија пак пристигна Лука Дончиќ.

Во таа размена беа опфатени и други играчи, но овие две ѕвезди беа во фокусот и беше навистина шокантно, изненадувачки кога се случи оваа операција затоа што немаше никаква најави. Дејвис во моментов е повреден и не игра за Далас, па има простор да побара некои одговири за тоа што се случи бидејќи ова е голема промена во кариерата и животот.

-Сите зборуваат дека никој не знаел и сите останати глупости. Едноставно не ми се верува, -вели Ентони кој по веста за трејдот веднаш му се јавил на Леброн Џејмс.

-Тој ми е пријател веќе шест години. Првото нешто што сакав да направам е да му се јавам. Знаев дека ќе има многу политички работи во управата кога ќе разговараат со мене. Управата мора да го направи она што треба да го направи и очигледно ќе го направи она што е најдобро за организацијата. Не знам што е точно, а што не, што доаѓа одозгора, -истакна центарот.