Дејвис куп репрезентацијата со прв неуспех на турнирот во Скопје

Тениската Дејвис куп репрезентација на Македонија денеска го доживеа поразот во рамките на четвртата европска група и тоа Сан Марино (1:2).

На турнирот кој се игра во Скопје, Македонија имаше две победи по првите две кола, но денеска поразот во игра на двојки беше пресуден за успех на противникот.

Најпрвин Калин Ивановски го победи Стефано Галвано со 2:0, потоа Горазд Србљак загуби во три сета од Марко Де Роси, за во дубл конкуренција, Стефан Мицов и Калин Ивановски загубија со 2:1 во сетови во дуелот со Галвано и Де Роси.

Македонија претходно ги победи Косово и Андора, а по денешниот пораз останува на делба на првото место и на солидна позиција да избори пласман во поквалитетната група.

Нашата репрезентација утре е слободна, а во сабота ќе се соочи со солидната селекција на Молдавија.