Дејан Митровски-Урко е избран за претседател на ВАКО Балкан

На денешното Собрание на ВАКО Балкан кое се одржа во Србија, Митровски едногласно ја доби безусловната поддршка од сите балкански земји, членки на ВАКО Балкан федерацијата.

Првите честитки за новата престижна функција Митровски ги доби од претседателот на ВАКО Европа, Унгарецот Иштван Кирали како и потпретседателот на ВАКО Европа, Салим Кауч од Турција кој e претседател на Медитеранските игри.

Двајцата се присутни проследувајќи го Собранието на ВАКО Балкан во Краљево.

– Би сакал да истакнам огромна благодарност на сите балкански земји за едногласната поддршка да застанам на чело на ВАКО Балкан.

– Секако неизмерна благодарност и до претседателот на светската ВАКО-федерација, Рој Бекер, до првиот човек на ВАКО Европа, Иштван Кирали како и до потпретседателот Салим Кауч кои целосно застанаа зад мојата кандидатура со максимална поддршка за допринос во развојот на кикбоксот на Балканот, – изјави Дејан Митровски–Урко.