Дефанзивецот на Мајорка откри што мислел во себе додека Белингам, Мбапе и Винисиус трчале кон него

Реал Мадрид не ја стартуваше новата сезона во Ла Лига онака какошто замислуваше, бидејќи актуелниот шпански и европски шампион одигра само 1:1 против Мајорка на „Сан Мош“.

Тимот од шпанскиот остров одигра енергично и храбро против најдобриот тим во Европа, па избраниците на Арасате заслужено добија награда и освоија бод против големите ѕвезди на Карло Анчелоти.

Еден од најактивните во дефанзивец поглед беше Пабло Мафео, десниот бек на Мајорка кој во минатото редовно имаше конфронтации против Винисиус Жуниор, но кој овојпат мораше да се пази од уште две големи ѕвезди како Џуд Белингам и Килијан Мбапе.

Новото трио на Реал веќе го доби прекарот „БМВ“, а Мафео откри што помислувал во себе кога еден од тројцата се залетувал кон него.

– Кога ги гледав како трчаат кон мене, само му се молев на Господ во себе и се прашував: Што правам јас тука? На крајот испадна добро за нас, цел свет сака да игра против овие играчи. После мечот бев навистина истрошен, не можев да се движам и наредниот ден, – открива Мафео.