Поврзете се со нас

Шпанија

Деби погодок за талентираниот Мориба, Барселона сигурна во Памплона (ВИДЕО)

Објавено

на

blank

Шпанцскиот вицешампион Барселона дојде до победата број 17 во актуелната натпреварувачка кампања во Примера.

Составот од „Камп Ноу“ оваа вечера го освои „Ел Садар“ или поточно славеше над Осасуна со 2-0 и сега ќе може мирно да го проследи утрешното дерби меѓу Атлетико и Реал Мадрид. Каталонците го отворија резултатот по половина час игра кога Меси во свој стил испрати перфектна топка до Алба кој пак шутираше максимално прецизно и моќно во мрежата на Ерера.

Барселона во вториот дел долго време не можеше да стави точка, да ги потврди трите бода се до 83 минута кога Меси одново беше асистент и тоа при одличниот погодок на талентираниот Мориба кој во 67 минута го замени Бускетс.

Ова за Мориба кого го споредуваат со Пол Погба беше прв гол за Барса на сениорско ниво.

Избраниците на Куман имаат 56 бода и се на втората позиција на табелата.

Реклама
Реклама
Реклама

Популарни