Деби гол на младинец и атрактивен фудбал: Јувентус тргна победнички во ерата на Мота (Видео)

Ерата на Тиаго Мота како тренер на Јувентус започна со уверливо издание на тимот и сигурна победа на „Алијанц стадионот“, но фановите многу повеќе ќе ги радува прикажаната игра.

За разлика од Макс Алегри кој негува цврст и дефанзивен фудбал, Мота има целосно други замисли, а тоа можеше да се види уште од првата минута од мечот со Комо.

„Старата дама“ се очекува да размислува на гол повеќе со Мота како тренер, па тоа се докажа уште на премиерата во Серија А во која домашниот тим бркаше трет гол по секоја цена кога веќе ја имаше обезбедено победата.

Дебитантот Мбангула доби шанса за прв старт и ја оправда довербата по само 23 минути игра на теренот, кога по еден продор од левата страна успеа да погоди за 1:0.

Јувентус ја материјализираше доминацијата и до крајот на првиот дел постигна уште еден гол преку Тимоти Веа, за кој голема заслуга има и Јилдиз кој одлично проби по левата страна.

Во раната фаза на вториот дел му беше поништен гол на Влаховиќ поради минимален офсајд, но сепак фановите дочекаа трет гол од своите миленици, и тоа од Камбиазо во судиското продолжение.

Головите погледнете ги ТУКА