Де Варгас заработи потешка повреда и предвреме ја заврши ерата во Барселона

Екипата на Барселона останува без услугите на еден од своите најважни играчи, голманот Гонзало Перез Де Варгас.

Де Варгас се повреди на првенствениот меч против Бидасоа Ирун и мораше со помош на соиграчите да биде изнесен од теренот со што веднаш стана јасно дека се работи за нешто посериозно.

Настрадале лигаментите на левото колено, па искусниот Шпанец во наредните денови ќе биде опериран по што ќе следи процес на закрепнување.

Со ова станува јасно дека сезонава е готова за Де Варгас, а со тоа и неговата ера во шпанскиот великан затоа што од ова лето заминува во редовите на Кил.

Повредата на Гонзало Перез е проблем за Барса која како замено го има младиот Филип Шариќ, додека главниот збор ќе го има Данецот, Емил Нилсен.