Де Роси за Дибала: Нема недопирливи во Рома…

Пауло Дибала и понатаму останува најдобар, најквалитетен играч на Рома и прашање е како би изгледала екипата ако тој не е во составот, поточно не е во комбинација.

Аргентинецот има интересни понуди за заминување, а меѓу нив од Саудиска Арабија која одлучил да ја одбие. Меѓутоа се додека преодниот рок е активен се може да се случи и тоа го потврди тренерот Даниеле Де Роси со констатацијата дека нема недопирливи фудбалери, поточно секој може да биде продаден и да си замине од клубот.

-Составот не зависи од гласините. Ништо не влијаеше на моите одлуки. Го распоредив тимот што сакав да го видам против Евертон. Почетокот на сезоната е близу, а ние мора да бидеме повеќе слични на она што сакаме да бидеме. Експериментирав, како и во другите мечеви.

-Тие што дојдоа во Англија се играчи на Рома, па ќе видиме што ќе се случи. Ова важи не само за Дибала туку и за сите. Кога ме прашаа дали има играчи кои треба да останат по секоја цена, реков не. Кој сака да замине, слободно може да го направи тоа, -порача стратегот на „волчицата“.