Де Роси отворен за кам-бек во Рома: Тоа никогаш не сум го кажал…

Калчолигашот Рома е во потрага по нов тренер по отказот кој го заработи хрватскиот стручњак Иван Јуриќ.

Низ јавноста на Апенините се споменуваат повеќе имиња за жешкото столче на „Олимпико“, а како опција се споменува и можно враќање на Даниеле Де Роси кој сосема неочекувано беше избркан во текот на актуелнава сезона.

Секако Де Роси не го доби третманот што го заслужува, меѓутоа без разлика на односот неговата љубов кон клубот е преголема и дефинитивно останува отворена опцијата да биде старо-нов предводник на „волчицата“.

-Никогаш повеќе во Тригорија? Тоа никогаш не сум го кажал. Надвор од динамиката, како играч и како тренер, отказот е дел од работата. Тоа место ми е како дом. Таму работи и татко ми. Поминав повеќе време во Тригорија и овде отколку дома. Па како што се вратив во Коверчано, ќе се вратам и во Тригорија, -порачал Де Роси, а пренесува Тутомеркатовеб.