Поврзете се со нас

Италија

Де Роси официјално претставен како замена за Мурињо: За мене постои само еден пат! (Фото)

Објавено

на

Foto:twitter.com/OfficialASRoma

Неколку часа по отказот кој му беше врачен на Жозе Мурињо, Рома и официјално го потврди она што се шушкаше во јавноста, односно соопшти дека Даниеле Де Роси ќе го води тимот до крајот на сезоната.

Легендарниот капитен на Рома се враќа во својот фудбалски дом во кој мина 18 години како професионален фудбалер, а своето деби ќе го има на првенствениот меч против Верона кој се игра во сабота на „Олимпико“.

– Среќни сме што можеме да ја препуштиме техничката одговорност во рацете на Даниеле Де Роси. Веруваме дека лидерските капацитети и амбициите кои биле симбол за неговит карактер ќе бидат одлучувачки во исполнување на нашите цели до крајот на сезоната.

– Знаеме дека врската на Даниеле со клубот е нераскинлива, но ентузијазмот со кој го прифати нашиот повик дополнително не убеди дека е способен да биде водич на овие млади играчи. Добре дојде дома, Даниеле, – гласат изјавите на браќата Дан и Рајан Фридкин, газдите на Рома.

– Сакам да му се заблагодарам на семејството Фридкин што ми ја довери одговорноста да ја водам Рома. За мене не постои друг пат, освен еден! Секојдевна жртва и потреба да дадам се што имам во себе. Ќе се соочиме со големи предизвици, но со нетрпение ги чекаме истите. Не можам да опишам колку сум горд што седнувам на клупата, сите знаат какво значење има Рома за мене, – изјави Де Роси.

Реклама
Реклама
Реклама

Популарни