Де Роси и Кристанте имале жесток вербален дуел на тренинг на Рома

Италијанските медиуми објавија дека се случил вербален инцидент на денешниот тренинг на Рома, а во сериозна расправија влегле тренерот Даниеле Де Роси и Брајан Кристанте.

Актуелниот репрезентативец очигледно е незадоволен од статусот кој го има кај тренерот на „волчицата“, па фрустрациите ги покажал во жестоката караница која ја потврдија неколку медиуми, а не е коментирана од страна на клубот.

Во разговорот, Кристанте го споменал и соиграчот Леандро Паредес, веројатно алудирајќи на фактот што Аргентинецот добива голема минутажа и важи за еден од милениците на Де Роси во оваа екипа на Рома.

Кристанте може и да го напушти клубот доколку биде пронајдена соодветна опција до крајот на преодниот рок, а во Рома е веќе пет години и има договор до 2027 година.

Рома во претстојното трето коло се среќава со Јувентус.