Де Роси ги изговори зборовите на својот ментор Спалети по првиот пораз како тренер на Рома

Рома првпат загуби под водство на Даниеле Де Роси и се увери во силата на Интер во вториот дел, бидејќи лидерот во Серија А успеа да постигне три гола и да направи пресврт.

Во дербито со два пресврти, Рома прва се врати од негатива и поведе со 2:1, но завршниот збор сепак го имаа избраниците на Симоне Инѕаги кои уште трипати погодија во мрежата на домашниот тим.

„Нераѕурите“ победија со 2:4 и покажаа голем квалитет во вторите 45 минути, меѓутоа Де Роси не гледа премногу разлика меѓу лидерот и неговата Рома која допрва треба да го прецизира своето фудбалски идентитет.

– Мора да играме фудбал како што знаеме и да извлече позитивни заклучоци од ова дерби. Сметам дека натпреварот беше многу израмнет, и двата тима имаа свои моменти. Горд сум на моите момци, дадоа се што имаат и затоа беа поздравени од навивачите.

– Не сум горд поради тоа што сме аутсајдери против Интер, или нешто слично на тоа. Горд сум бидејќи имавме одлично перформанси против многу силен тим. Сметам дека сме на вистинскиот пат и дека не заостануваме многу зад нив. Мој ментор беше Спалети и тој секогаш по пораз го велеше следното: Бевте добри, но нема комплименти за играта. Интер беше подобар кога беше најважно, во клучните моменти, па треба да работиме на тоа во иднина, – изјави Де Роси.