Де Роси: Дибала направи невообичаен потег за денешниот фудбал

Пауло Дибала во последен момент се повлече од најавениот трансфер во Саудиска Арабија и ги воодушеви фановите на Рома, а неговиот тренер Даниеле Де Роси го истакнал неговиот потег како раритет во денешниот фудбал.

На денешната прес-конференција, новинарите го добиле мислењето на Де Роси за невообичаениот развој на настаните со Аргентинецот, а тој имал коментар за целата ситуација.

– Ова беше драматична ситуација, со лоши и убави моменти.

– Видовме каква реакција кај фановите повлече одлуката на Дибала, па очекувам уште пожестока поддршка на утрешниот натпревар. Пауло одби многу пари, нешто што ретко се случува во денешниот фудбал.

– Ја донесе одлуката поради љубовта кон клубот и фановите на Рома, мислам дека ова е убава, иако ретка фудбалска приказна, – рекол Де Роси.

Рома во првото коло одигра без голови против Калјари, а утре го пречекува Емполи.