Де Пол за ветувањето кое Меси му го дал по повредата која ја заработил пред четвртфиналето на СП

Аргентина по долга пауза се искачи на врвот на светскот фудбал и тоа со славјето во Катар што за оваа земја, селекција беше трето во нивната историја.

Таа приказна „гаучосите“, оваа генерација долго ќе ја памети со оглед на тоа каков беше нивниот пат, лошиот старт на шампионатот и поразот од Саудиска Арабија, па целиот притисок против Мексико се до лудото финале против Франција на кое водеа со 2-0, 3-2, можеа во 120+ да примат гол и да доживеат потоп за да во пенал серија им донесе резултат за историја.

Сигурно има многу моменти, анегдоти, вистински случувања, па големиот борец Родриго Де Пол откри какво ветување му дал капитенот Лионел Меси по повредата која ја заработил пред четвртфиналето на СП.

-Отидов во собата на Меси и тој ми рече „немој да играш, ние ќе го поминеме четвртфиналето“. Можеше да биде мој последен меч на СП, ако за четири години не добијам повик. Тој ми рече: „Ветувам дека ќе ве одведам во полуфиналето“, не ризикувајте. Не знаев дали да му се спротивставим. Тешко е затоа што тоа не ми кажува како капитан, туку како пријател или постар брат, -истакна Де Пол.

Родриго на крајот сепак почна од првата минута против Холандија, но во вториот дел беше заменет за да не се влоши повредата.