Де Лихт за статусот на Манчестер Јунајтед: Не очекував да сме во ваква позиција

Манчестер Јунајтед е во долниот дел на премиерлигашката табела и далеку од позициите кои обезбедуваат место во европските купови, ситуација која е изненадувачка и за Матијс де Лихт.

Холандскиот дефанзивец во последното интервју истакнал дека тој и неговите соиграчи се уште се во игра за трофеј сезонава, но е разочаран од резултатите во домашното првенство.

– Манчестер Јунајтед е голем клуб, а и јас самиот не сум навикнат да играм за екипа која е на 14. место на табелата.

– Најлош пласман во кариерата ми бил четвртото место, така што ова е нешто ново за мене.

– Истовремено, човек може многу да научи од ваква ситуација, победата над Ипсвич беше многу важна и се надевам дека ќе ја зголеми самодовербата во нашиот тим.

– На натпреварите против Ливерпул, Сити и Арсенал покажавме дека поседуваме квалитет, со добар пристап можеме да бидеме проблем за секого. Остануваме во битка за трофеј во две натпреварувања и тоа е многу важно во моментов, – рекол Де Лихт.