Де Лаурентис за ситуацијата со Осимен: За танго се потребни двајца, не заборавајте…

Виктор Осимен од 2020 година е дел од Наполи, тим во кој има клучна улога и без кој не може да се замисли почетната единаесетка на калчолигашот.

Нигериецот даде огромен придонес во првото Скудето на наполитанците по пауза од повеќе од три децении и водени од оваа енергија се одеше кон тоа да напаѓачот потпише нов договор со клубот. Имаше информации дека двете страни се блиску, па дури и и подале рака за новата соработка во текот на летото, меѓутоа по се изгледа постојат одредени проблеми и за тоа најдобро говори последната изјава на претседателот, Аурелио Де Лаурентис.

-Никогаш не сум бил вознемиран кога е во прашање Осимен, ама за танго се потребни двајца. Останувам ист, ако расположението му се смени, тогаш не можам многу да направам за тоа. Ако по ракување работите се сменат, тоа е разочарувачки, ќе го земаме предвид, но животот продолжува.

-Имаме добар однос со него, договорот е до 2025 година, така што има време. Не заборавајте дека го продадов Кулибали во последен момент, -порача Де Лаурентис.

Интерес за Виктор има од повеќе клубови и останува да се види како ќе се развива неговата ситуација.