Де ла Фуенте повика тројца дебитанти, Шпанците по долго време без играч на Реал Мадрид

Шпанскиот селектор Луис де ла Фуенте денеска го објави списокот за претстојните натпревари на Шпанија во Лигата на нации, а на него се најдоа три нови имиња.

Де ла Фуенте мораше да најде замена за одрени повредени играчи, па прва шанса во дресот на „фуријата“ ќе добијат Саму Омородион, Марк Касадо и Аитор Паредес.

За разлика од претходните натпревари, подготвени за настап се играчи како Олмо, Вилијамс, Ајозе и Пино, додека последен отпаднал Пау Кубарси, кој заработи незгоден удар во главата на дуелот меѓу Црвена Звезда и Барселона во ЛШ.

Алваро Мората ќе биде дел од националниот тим за ноемвриските натпревари, што е потврда дека се е во ред со напаѓачот на Милан кој ноќеста остана хоспитализиран по силниот удар во глава кој го заработил на вчерашниот тренинг на Милан.

Интересно е што во шпанскиот национален тим нема ниту еден фудбалер на Реал Мадрид, нешто што последен пат се случи во октомври 2021 година, а и овојпат е последица на повредите, односно слабата форма и малата минутажа на дел од потенцијалните репрезентативци.

Шпанската фудбалска федерација заработи комплименти и за начинот на кој го соопшти списокот, а тоа го направи со видео кое е посветено на жртвите од поплавите во Валенсија, односно сите оние кои помагаат за санирање на последиците од големиот удар за целиот регион.

Противници на актуелниот европски шампион ќе му бидат селекциите на Данска и Швајцарија.

El mundo del fútbol 𝗻𝗼 𝗼𝘀 𝘃𝗮 𝗮 𝗳𝗮𝗹𝗹𝗮𝗿.

Nosotros 𝗻𝗼 𝗼𝘀 𝘃𝗮𝗺𝗼𝘀 𝗮 𝗳𝗮𝗹𝗹𝗮𝗿.

𝗝𝘂𝗴𝗮𝗿𝗲𝗺𝗼𝘀 𝗽𝗼𝗿 𝘃𝗼𝘀𝗼𝘁𝗿𝗼𝘀.#VamosEspaña | #NationsLeague pic.twitter.com/qz8h6w3YI9

— Selección Española Masculina de Fútbol (@SEFutbol) November 8, 2024