Де ла Фуенте по успехот на олимписката репрезентација: Фудбалот е потценет во Шпанија

Шпанската фудбалска репрезентација стигна до златото на Олимписките игри во Париз, а тоа е уште еден успех на престижните турнири откако сениорите неодамна славеа на Европското првенство во Германија.

Европски шампион летово стана и репрезентацијата до 19 години, па селекторот на сениорите Луис де ла Фуенте потенцирал дека Шпанија и Шпанците мора повеќе да ги ценат успесите во фудбалот.

– Не сме ни свесни што освоивме годинава и не го вреднуваме доволно шпанскиот фудбал.

– Да ги искорениме предрасудите бидејќи ретко која земја може да се пофали со вакви резултати.

– Она што се случи во Париз е историска ноќ и ќе запишана со златни букви во олимписката и фудбалската историја на Шпанија, – рекол Де ла Фуенте.