Де Јонг изведе генијална „штикла“ на „Ел Садар“, Барселона падна на четвртото место (Видео)

Севилја ја забележа шестата победа во низа во шпанската Примера и полека почнува да се истакнува како кандидат од сенка во шампионската трка, бидејќи тимот од Андалузија е единствениот кој има идентичен број на натпревари како лидерот Атлетико.

Составот кој го предводи Лопетеги оваа вечер оствари нов триумф во единствениот натпревар во Ла Лига денеска, славејќи 0:2 на традиционално незгодното гостување во Памплона.

Севилја ја победи Осасуна со 0:2, три бода со кои андалузијците дојдоа на минус седум од лидерот Атлетико кој влезе во резултатска криза, а со кои успеаја да ја потиснат Барселона на четвртата позиција на табелата.

Резултатот го отвори Диего Карлос со голот во првото полувреме, додека победата ја потврди Лук Де Јонг со шмекерска „штикла“ во второто полувреме за конечни 0:2 на „Ел Садар“.