Де Хеа застана меѓу стативите после 447 дена: Една добра одбрана и три примени гола (Видео)

Давид Де Хеа долго чекаше вистински проект по заминувањето од Манчестер Јунајтед и се одлучи за неочекувана апстиненција од елитниот фудбал, на која реши да и стави крај после повеќе од една година.

Шпанскиот чувар на мрежата се реактивираше ова лето и потпиша за Фиорентина, а после повеќе од една недела тренинзи со првиот тим, вчера ја доби и првата шанса.

Де Хеа првпат застана меѓу стативите после точно 447 дена и бранеше во квалификациите за Конференциската лига, но овој меч не мина баш добро за него бидејќи прими три гола.

Академија Пушкаш се покажа како незгоден ривал за италијанскиот фаворит, па Фиорентина мораше да се враќа од два гола негатива, пред да направи пресврт и на крајот повторно да прими гол за 3:3.

Де Хеа не можеше да направи ништо во трите наврати во кои беше матиран, но пред да го прими третиот гол, режираше и една одлична одбрана по удар со глава од непосредна близина.