Де Хеа режираше чудо во Италија: Тројна интервенција на Шпанецот во иста акција, играчите на Фабрегас се фаќаа за глава (Видео)

Фиорентина игра сензационално во последните два месеци во Серија А и денеска стигна до седмата победа во низа, успех кој одново на големо му се препишува на Давид Де Хеа.

Иако двата гола ги постигнаа Адли и Кин, улогата на херој му припадна на искусниот шпански голман, кој при резултат 0:1 режираше чудо на голот.

Гостувањето кај Комо не беше така пријатно како што укажува конечниот резултат (0:2), а најдобар доказ за тоа е акцијата од 60-та минута.

Играчите на Комо во три наврати беа на чекор од постигнување гол во иста акција, но Де Хеа режираше три бравурозни и херојски интервенции, по кои играчите на Сеск Фабрегас се фаќаа за глава.

Де Хеа брани во страшна форма откако се врати на терените по пауза од една година, а благодарение на истите, веќе си избори двојно повисока плата од таа што ја договори пред неколку месеци.