Де Ѕерби: Никогаш нема да се вратам во Франција

Олимпик Марсеј вчера загуби на гостувањето кај Оксер, а тренерот Роберто Де Ѕерби изразил сериозно незадоволство од судискиот критериум.

Италијанскиот стручњак толку им се налутил на арбитрите што изјавил дека во иднина никогаш не би прифатил понуда на француски клуб.

– Јас сум Италијанец и по ангажманот во Олимпик Марсеј, никогаш нема да прифатам понуда на француски клуб.

– Француското првенство има голем проблем и ако Французите се задоволни од нивото на судиите, одлично за нив.

– Но, она што се случуваше вечерва беше скандалозно, судијата не беше доволно смирен за да го суди натпреварот поради сите контроверзи кои го следеа изминатиот период, – рекол Де Ѕерби.

Марсеј вчера долго играше без Корнелиус кој доби два жолти и црвен картон, а гостите биле незадоволни и од други одлуки на глаавниот судија.