Де Ѕерби доби супер засилување: Гринвуд стартуваше со два гола на дебито во Марсеј (Видео)

Роберто Де Ѕерби изненадувачки ја заврши својата епизода во Брајтон и во текот на летото се пресели во Франција, каде денеска и официјално дебитираше како тренер на Марсеј.

Фудбалскиот великан од „Велодром“ ја почна новата сезона со гостување кај Брест, а истото се покажа како доста лесно за избраниците на италијанскиот стручњак, пред се благодарение на големото летно засилување.

Мејсон Гринвуд погоди за 0:1 по само 3 минути игра на теренот, но тоа не беше единствената добра работа која ја заврши на оваа средба.

Поранешниот играч на Јунајтед до крајот на првиот дел погоди и од пенал за 0:3, а до крајот на мечот учествуваше и во акцијата за четвртиот гол на гостите.

Покрај Гринвуд, два гола во мрежата на Брест постигна и Луис Енрике, во листата на стрелците се запиша и Ваи, додека единствениот гол за Брест во поразот од 1:5 го постигна Камара.

Mason Greenwood’s finishing needs to be studied. You can’t stop a talent 🔥 pic.twitter.com/jDbZQ0HC1e

— CLINTON 💫 (@LilMoGh) August 17, 2024

Wait, Mason Greenwood scored that penalty with his right foot?🤯🤯🤯

This boy is definitely a generational talent..

pic.twitter.com/SMy616lLKJ

— Ibukun Aluko (@IbkSports) August 17, 2024