Поврзете се со нас

Шпанија

Де Бур: Да беше обичен клуб, Барселона досега ќе исчезнеше од фудбалската мапа!

Објавено

на

foto: x.com/FCBarcelona

Жоан Лапорта ги искористи сите можни алатки за да ги регистрира Дани Олмо и Пау Виктор, а откако наиде на негативен одговор од Ла Лига и шпанската Федерација, првиот човек на Барселона наиде на разбирање од владиното тело.

Врховниот суд за спорт во Шпанија дозволи привремена регистрација на двајцата играчи и го означи Лапорта како победник во тешката битка со двете најважни фудбалски тела на Пиринеите, одлука која секако донесе и низа негативни реакции во јавноста поради попустливоста во дадениот случај.

Голем број прволигаши се јавија со реакции и обвинија дека секогаш се носат одлуки во корист на двата најголеми клуба во Шпанија, но интересно во ист тон продолжува и некогашен играч на Барселона.

Роналд Де Бур жестоко распали и не ја криеше фрустрацијата од се она што ја следи Барселона во изминатите неколку години, потенцирајќи дека во нормални услови, каталонскиот гигант би требал да згасне поради лошото функционирање и неликвидноста.

– Од една страна, за мене срцепарателно е ова што и се повторува на Барселона, но од друга страна, ова е разочарувачки за останатите клубови кои се обидуваат да работат според правилата и кои се обидуваат да бидат праведни. Барселона изгледа дека уште еднаш се извлекува од незгодна ситуација, но ако гледаме реално, вистинска лудост е што се случува тоа. Да беше нормална компанија, или обичен клуб, Барселона одамна ќе прогласеше банкрот, или ќе исчезнеше од мапата…..

– Барселона го загуби интернационалниот углед веќе неколку години наназад, работите во клубот се претворија во вистинска сапуница. Барселона искористи се што може за да може да го пријави Олмо. Лапорта никогаш не бил под поголем притисок, сметам дека цела оваа ситуација околу регистрацијата е апсурдна. Не знам како ќе заврши цела оваа ситуација, но жално е што голем клуб како Барселона постојано мора да се потпира на вакви лудории за да избегне најлошо сценарио, – потенцира Де Бур.

Advertisement
Advertisement

Италија

Advertisement

Популарни