Де Брујне пред финалето со Интер: Секогаш е истата приказна…

Манчестер Сити ќе се обиде на перфектен начин да ја заокружи оваа сезона, а за да се случи тоа потребна им е победа над Интер во финалето на Лигата на шампионите.

„Граѓаните“ триумфираа во Премиер лигата и ФА Купот, па ако слават и во елитното натпреварување ќе станат втора англиска екипа по Манчестер Јунајтед која успеала да освои тројна круна.

Избраниците на Пеп Гвардиола го имаат статусот на фаворити, но и тие се свесни дека мора истото да го потврдат на теренот.

-Нема да стигнете до финалето на ЛШ ако не сте силна екипа. Интер го освои Купот на Италија и славеше на речиси сите натпревари на крајот од сезоната. Тие имаат јасен идентитет и добро дефиниран систем. Никој не мисли дека ќе биде лесно против Интер и тоа е финале, па шансите се подеднакви.

-Мора да постигнеме еден гол повеќе и да се браниме подобро од нив. Секогаш е истата приказна, да бидам искрен, мислам дека мора да играме како што знаеме, -порача Кевин Де Брујне.