Де Брујне неизвесен за големото дерби со Арсенал во Премиер лигата

Манчестер Сити во недела ќе се соочи со големиот ривал Арсенал, а Пеп Гвардиола веројатно нема да може да смета на Кевин Де Брујне.

Белгиецот се пожали на повреда на дуелот со Интер во Лигата на шампионите и остана во соблекувалната по крајот на полувремето, а медиумите пренесуваат дека се работи за поситна повреда.

Сепак, истата ќе биде доволна за Де Брујне да биде поштеден на дербито со „топчиите“ и дуелот со екипата која веќе неколку сезони се обидува да го симне Сити од шампионскиот трон во Премиер лигата.

Гундоган беше замена за Де Брујне против Интер, а веројатно ќе биде така и на дуелот со Арсенал, затоа што Гвардиола сака да избегне ризик од посеризона повреда на еден од најважните играчи на Сити.

Сити го пречекува Арсенал во недела од 17:30 часот.